Mikilvæg atriði brunavarna

• Reykskynjari – Gakktu úr skugga um að hann sé til staðar 

• Slökkvitæki – Á að vera staðsett á flóttaleið

• Eldvarnarteppi – Nauðsynlegt í eldhúsi 

• Flóttaleiðir – Tvær þekktar og aðgengilegar leiðir út úr húsnæðinu

• Fræðsla og æfingar – Heimilisfólk ætti að þekkja brunavarnir og æfa flótta reglulega 

• Viðhald – Prófa reykskynjara og láta fagaðila yfirfara slökkvitæki að lágmarki einu sinni á ári 

Ábyrgð leigusala á brunavörnum

• Upplýsingar – Leigusali skal kynna leigutaka fyrir brunavörnum húsnæðisins 

• Reykskynjarar – Að lágmarki einn fyrir hver 80m²* 

• Slökkvitæki – Skal vera við flóttaleið, nálægt útgönguleið, á göngum eða stigapöllum 

• Merking og aðgengi – Slökkvitæki skal vera á greinilega merktum og aðgengilegum stöðum 

• Hæð slökkvitækis – Handfang þess má ekki vera hærra en 90 cm frá gólfi til að tryggja þægilegan aðgang 

• Viðhald – Fagaðili skal yfirfara slökkvitæki einu sinni á ári 

• Flóttaleiðir – Tvær greiðar flóttaleiðir skulu tryggðar, með teiknaðri flóttaáætlun sem íbúar þekkja 

*Mælt er með einum reykskynjara í hverju rými þar sem eru hleðslutæki eða rafmagnstæki. 

Almenn ábyrgð eiganda á brunavörnum

• Eftirlit og ábyrgð – Eigandi (og forráðamaður mannvirkis eftir atvikum) ber ábyrgð á að brunavarnir séu virkar og reglulega yfirfarnar. 

• Reyk- og brunahólfun – Brunahólfun skal vera virk milli byggingahluta og með fullnægjandi hurðum sem halda brunamótstöðu. 

• Lagnir og frágangur – Rör og lagnir sem fara í gegnum brunahólfandi byggingarhluta mega ekki rýra brunamótstöðu. 

• Eldvarnaeftirlit – Er á ábyrgð slökkviliðs viðkomandi sveitarfélags. 

• Breytingar á húsnæði – Atvinnuhúsnæði fellur undir aðrar reglur en íbúðarhúsnæði. Breytingar þurfa samþykki skipulagsnefndar, byggingarfulltrúa og eldvarnareftirlits sveitarfélagsins. 

• Reykskynjarar – Íslensk lög krefjast þess að þeir séu CE-merktir, sem tryggir að þeir uppfylli grunnkröfur og hafi verið prófaðir samkvæmt viðurkenndum reglum.